Plantun de Prouvènço

Pèr coumpara dos planto d'encò nostre

Erica cinerea & Calamagrostis varia

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).

Port : Aubret
Taio : 20 à 60 cm
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms - Estiéu - Autouno

Sòu : Si
Autour basso e auto : 0 à 1600 m
Aparado : Noun
Jun à óutobre

Liò : Bos clar - Champino - Pinedo - Sablo
Estànci : Mesoumediterran à Mountagnard
Couroulougi : Éuroupenco-Ouèst
Ref. sc. : Erica cinerea L., 1753

Calamagroustido(-margaiado)

Calamagrostis varia

Poaceae Graminaceae

Noms en français : Calamagrostide bigarrée, Calamagrostide panachée.

Descripcioun :
Aquelo calamagroustido trachis dins li bos e fourèst (de faiard, mèle...), à la sousto dóu gros dóu soulèu. Li fueio soun pulèu larjo e longo, emé uno lengueto eslandrado. Coume tóuti, a uno souleto flour pèr espigueto (4 à 5 mm e souvènt vióuleto), emé à la baso proun de péu sedous. L'arèsto es estacado en bas de la lemma, fai un pichot couide e despasso li glumo de 0,1 à 1,4 mm (vèire li fotò).

Usanço :
Counèissen pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,4 à 1(1,2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Calamagrostis
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 8 à 15 cm
Flourido : Estiéu

Sòu : Ca
Autour basso e auto : 200 à 2200 m
Aparado : Noun
Juliet à avoust

Liò : Faio - Sapiniero - Melounié - Roucas
Estànci : Subremediterran à Subaupen
Couroulougi : Ouroufito-Éurasiatico
Ref. sc. : Calamagrostis varia (Schrad.) Host, 1809

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erica cinerea & Calamagrostis varia

ges

Coumpara Brousso-rasiero emé uno autro planto

Coumpara Calamagroustido(-margaiado) emé uno autro planto